唔只英超周中要開快車,俄超亦都一樣,今日有場魯賓卡山主場對辛尼特,雖然兩隊排名爭咗成條街咁遠,但係「一哥」辛尼特向來客戰玩保守,唔敢放手進攻,所以博1.65倍細好過要客W。(now671台周三晚10:45直播)
辛尼特呢排响俄超表現麻麻,已經3戰輸咗2場,雖則話上仗作客不敵摩度維亞0:1,某種程度上同踢人造草場有關,但係最大原因係教頭保亞斯嗰套戰術思維保守,主場至夠膽谷出去砌人,客場就例牌縮埋後面玩突擊。前辛尼特球員維丹尼夫攞咗巴塞作客贏華倫場波做例子,話辛尼特喺應該發力嘅時候,唔似得巴塞咁補時都加快進攻節奏,自不然有金都唔識執。
侯克「借助外國勢力」搞俄超球證
當然,辛尼特3場波失6分嘅關鍵,查維加西亞、基沙哥夫一齊養傷係有多少影響,不過維丹尼夫都提到一樣嘢,就係個別辛尼特球星唔多聽保亞斯支笛,矛頭直指今場坐波監嘅侯克。其實呢件巴西國腳的確幾鍾意搞事,上場輸畀摩度維亞之後,佢淨係向《路透社》放料,話畀球證馬杜年種族歧視言語侮辱,但係對俄媒就隻字不提,於是就辣着晒當地媒體,有俄國記者仲質疑佢「借助外國勢力」,抹黑俄超球證添,因為《路透社》當時根本冇記者現場採訪。
由於辛尼特嘅人腳,喺俄超完全超班,有一、兩件麻煩友對佢哋影響唔算大,雖然後衞林拔斯練波撞傷咗,後衞查維加西亞、前鋒基沙哥夫都繼續養傷,只不過以佢哋嘅門口狗性格,贏唔到都好難輸,大勝或大敗機會都好微,何況魯賓中場佐基夫講明會抄摩度維亞條橋,逼到辛尼特冇啖好食,今場波開到入球大嘅可能性唔太高。
中博体育网-专业为博友提供:足球推介 足球比分 即时比分 足球新闻 足球直播 全讯网
为了更好服务博友,请收藏并记住我们网址 www.19761.com 会员QQ群:146592640
分享按钮下一篇:投注通勝:6寶及孖膽推介
相关新闻
栏目总览