澳洲足總盃今日有阿德萊德聯主場對中岸水手呢場準決賽,水準應該比尋日嗰場賓特利綠軍對珀斯光輝高,話題亦都比較多,因為一來「阿聯」同「水手」都係澳職球隊,加上上季季後賽,「阿聯」就係畀「水手」踢走嘅!不過短短幾個月,形勢已經唔同晒,「阿聯」今季表現大勇未輸過,相反「水手」後防問題多多,睇嚟主隊有望一報季後賽出局之仇!好,一於捧主勝!
(有線64及203周三下午4:30直播)
水手11日踢4場波
阿德萊德聯今季未逢敵手,晉級過程唔係「符碌」!佢哋連續踢走威靈頓鳳凰、布里斯班獅吼同FC悉尼三隊澳職對手,表現相當有說服力。教練甘巴爾除咗採取佢一貫嘅主攻踢法之外,今季亦成功提升防守能力,開咧後聯賽同盃賽總共踢咗8場都只係失4球,而且阿根廷靈魂卡路斯卡狀態大勇,況且「阿聯」今場主場出擊,贏面都好高吓。
中岸水手近期表現麻麻,尤其防守方面經常輸死球,最慘係身高1米85嘅中堅賓特格菲斯受埋傷,面對火力強勁嘅阿德萊德聯,都幾難頂得住。而且今場係佢哋11日內要踢4場波嘅第2場,已經有內憂外患,呢場作客睇怕都係凶多吉少喇。
頂占筍盤:阿德萊德聯(主勝)
中博体育网-专业为博友提供:足球推介 足球比分 即时比分 足球新闻 足球直播 全讯网
为了更好服务博友,请收藏并记住我们网址 www.19761.com 会员QQ群:146592640
分享按钮相关新闻
栏目总览